Kale badal charo taraf asman me chaye hue the , bijli chamak rahi the, Shivpur Railway station se ek train chal padi thi Varanasi Junction ki or station ke pass ek mandir me loudspeaker par Bhajan baj rahe the, mandir ke samne ek colony jiska naam Suryanagar Colony hai waha se ek ladka Shir jhukaye school bag liye school ke liye nikalta hai jiska nam Vrati hai khair hamari mulakat jald hone wali thi main Satyam hoon meri ek behan hai jiska naam Saanvi hai wo mere sath hi mere class me padhti hai lekin wo school nahi aa rahi kyuki uska manana hai ki pahle din school me padhai nahi hoti beshak nahi hoti lekin main school padhne nahi jata maze lene ke liye jata hoon . Us din date August 16th 2021 tha lockdown ke bad us din jaker school khula main andar se bahot khush tha kyuki school me jaker maze jo karne wala tha .

School pahuchkar gate ke samne main ruk gaya or gehri saas lete hue ek pal ke liye maine ye socha ki kitna miss Kiya yaha ki jane wali matargashti ko kitna intzaar Kiya school khulne ka or aaj wo din aa hi gaya tabhi dekha ki gate par Dinesh uncle the jo ki Watchmen the wo mil gaye maine unse kaha kaise hai uncle unhone muskurate hue kaha thik hoon beta apna batao maine bhi kaha thik hoon sach kahu to teacher se jyada meri Dinesh uncle ke sath banti thi wo bhole or sadharan insaaan the mujhe yaad aata hai jab main chota tha to mere rone par mujhe chocolate lakar dete the wo kabhi nahi badle . Maine or mere dosto ne milkar ek group banaya tha jisKa naam tha Thug Gang halaki hamne kisi ka kuch chori nahi kiya tha khair naam par itna gaur karne ki jarurat nahi .

Maine campus me entry liya andar jate hi kuch kadam mere gang ke members mil gaye ham log ne high five kiya , gang me sirf 5 log hi the - Atharva , Krishna , Snehil , Ankit . Atharva jo ki cool dude type ka banda tha wahi Snehil gusse wala tha or Ankit criket lover jo ki main bhi tha or last me Krishna wo kafi paise wala tha or mujhe sak tha us samay ki wo Saanvi ka boyfriend hai khair ham sab me ek common bat thi ham logo ko Aishwarya ma'am par crush tha wo Gori thi or jyadatar wo plane saree pahna karti thi Atharva kehta tha ki kash main 8 saal pahle janma hota to inko apne hath se jane na deta ham log unki muskan par marte the hamesha se hamne unhe pure campus me dhoona lekin wo nahi mili phir ham log chal pade apne class ki or ham sabne PCM liya kisi ne apne pita ke dar se to kisi ko pata nahi tha ki use kya lena hai or wo main tha khair jaise ham log class ki door par pahuche to dekha ki Aishwarya ma'am attendance le rahi thi ham sabhi ek jagah par ruk gaye aisa laga mano bhagwan ne sari khushiya ham logo ke kadmo me Laker de di hai tabhi ma'am ne ham logo ko dekha or kaha andar aane ko or aage benches Khali rahte hue bhi ham log piche jakar baith gaye or log hamhe Thug Gang se jyada backbenchers ke naam se jante the kyu ki hamare karname hi aise the - canteen me 3000 se jyada ka udhaar , computer lab me jaker CPU se RAM gayab kar diya , Kai logo ke breakup Kara diye jab hamara kisi ke sath patch up nahi hua to or ha ek bar to smartboard me hi ye duniya pithal di baja diya tha jiski wajah se 2 mahino ke liye restrict kar diye gaye the khair list bahot badi hai aage badhte hai . Tabhi Vrati aaya ma'am ne usko andar aane ko kaha wo Naya tha usne Shar uthakar kisi ke taraf dekha nahi jaker ek bench Khali thi window ke pass waha baith gaya maine us samay socha isko 300 metre aane me itna samay kyu laga khair bad me mujhe pata chala ki raste me ek building ban rahi thi wo usi ko dekhne ke liye ruk gaya tha . Pura din mauz Masti me aise bita ki pata na chala or jab main wapas ghar ja rha tha to maine dekha ki Vrati mere ghar se 3 ghar chor kar Prabhakar dada ke Ghar me chala gaya wo wahi rah raha tha wo uske Nana the ye baat mujhe bad me pata chali , mujhe us samay andaza tak nahi tha ki aage chalkar Vrati ki wajah se mera jeevan barbad ho jayega or main usse kho dunga jisse main sabse jyada pyaar karta tha . Us raat bahut barish Hui colony me jagah jagah par jo sadak me ghade the waha Pani bhar gaya medhak aawaz karne lage or light bhi jyada nahi rahiii main or meri behan ne Ludo khela or harane ke bad maine usko khub chidaya uske bad ham dono ne ek doosre ko marna shuru kar diyaa tabhi papa ne ek aawaz lagayi or ham dono sant .

Agle din jab main school ke liye nikla maine Vrati ko dekha wo apne ghar se nikla hi tha maine sochaa iske saath hi chalte hai or jab wo mere samne aaya to maine utsah me usse kaha kya ham sath chale usne sant chehre ke sath kaha ha chalo maine socha ki ye aisa kyu hai itna sant , hamesha Shir jhukakar kuch sochte rahta hai or class me window ke pass baithkar bahar ki taraf dekhta hai khair maine usse uska naam pucha usne kaha Vrati maine waisa naam apne jeevan me kabhi nahi suna tha maine kaha main Satyam hoon ham ek hi class me hai usne kaha achaa maine pucha tum cricket dekhte ho usne kaha nahi aise hi baat karte ham school chale gaya wo mujhe kafi ubau laga . class me jane ke kuch samay bad Saanvi aayi wo jaker apni friends se mil gayi usse gossip karna pasand tha or mujhe gossip se nafrat thi . Jab ham ghar ja rahe the to maine Vrati ko shaam ko cricket khelne ke liye pucha usne mana kar diyaa phir maine kaha kal school jate samay agar main bahar nahi raha to mujhe aawaz dena usne kaha thik hai main ghar chala gaya Saanvi school se hi hamesha dance class chali jati thi usse wo karna pasand tha . Agle din main nastha kar raha tha tabhi bahar se Vrati ne door bell bajayi maa gayi or unhone kaha Vrati Vrati ne kaha ha maa ne kaha andar aa jao beta wo abhi nashtha kar raha hai maine uske bare me apni maa ko bataya tha main maa se bahut karib thaa or papa se to bahot darta tha khair maa ne usse pucha Nastha kar lo beta usne mana Kiya lekin maa ne Laker diya wo santipurwak baitha or chupchap Bina kuch bole meri taraf dekhkar halka sa muskuraya wo pahli baar tha jab maine usko muskurate hue dekha tha tabhi meri behan apne room se bahar nikli ye kehte hue ki papa se keh dena mere dance academy ki fee tabhi usne usko dekha or kuch samay ke liye ruk gayi jaise mano mahaul tham sa gaya ho maine usse kaha ye mera dost hai Vrati usne hai kiya or Vrati ne chai ka cup niche rakhte hue hello kaha phir hamne nastha khatm Kiya or school chale gaye .

Aise hi kuch samay bit gaye Vrati or main close ho gaye main apni gang se jyada uske sath samay bitane laga or ye unko pasand nahi aaya to hamari is baat par behas hui Snehil mujhpe bhadak utha or hamme ladayi ho gayi krishna bhi mujhse naraz tha usko Vrati pasand nahi aaya kyu ki wo mere close tha jiski wajah se uska mere ghar par aana jana laga rehta tha Ankit ne kuch nahi bolaa Atharva ne kaha kisi ko force nahi karna chahiye kuch karne ko mujhe ek baat samaj me aayi samay ek jaisa kabhi nahi rehta , Avinash Sir jo English padahte the wo hornbill me ek poem Father to Son padha rahe the achanak se pata nahi kya hua ki Vrati ro pada maine usse pucha kya hua usne kuch nahi kaha or washroom chala gaya us din wo puri class ke Nazar me aa gayaa khass kar meri behan ke, Saanvi or Vrati jyada Milne nahi the lekin Saanvi samaj gayi thi wo buri haallato se guzar raha hai . Vrati ka math kafi weak tha or Saanvi ka kafi strong to ham logo ne group study karna shuru kiyaa . Mujhe yaad aata hai main Vrati se puchta tha ki tum magic me believe rakhte ho to wo kehta tha is duniya me magic kuch nahi hota sab coincidence hota hai ham use magic samaj baithte hai ye duniya coincidence se shuru hui or usi se khatm hogi .