Wallflower Vrati - Expressway
Har shaam ko 5 se 7 tak main, Saanvi or Vrati padha karte , Vrati kuch jyada bolta nahi aise jaise mano uske andar hamesha koi na koi vichar chalta rahta, kabhi - kabhi to main or Saanvi usse hasate to wo kuch pal ke liye hasta phir uska chehra khile hue phool ki tarah khilta or kuch pal ke bad murjha jata, kuch to baatein thi jo usne apne dil me daba kar rakhi thi . Ek din shaam ke samay park me mujhe Prabhakar dada dikhe main unke pass jaker baith gaya wo akele baithe hue the maine unse poocha Vrati ke Mammi - Papa usse milne kyu nahi aate, unki ankho me ashu aaa gaye unhone chasma nikalte hue anshu ko pochte hue kaha wo nahi hai is duniya me, ye sunkar mujhe andar se rona aa gaya uske bad na hi Dada ne kuch bola, nahi main unse kuch puch paya or kuch keh saka, bas chupchap waha se chala aaya. Aate hue dekha ki Saanvi gate par khadi thi usne kaha Vrati aa gaya hai chalo padhne mera chehra ekdam se jhuka hua tha , mere hoth kap rahe the , ankhe bhari hui thi , Saanvi ne mujhse pucha kya hua lekin maine uski taraf dekha tak nahi or chala gaya study room me, dekha ki Vrati math ki book khol raha tha main jab gaya to usne meri taraf dekha or halka sa muskuraya, main apne aap ko rok nahi paya ro pada or jaker uske gale lag gaya, bolna chah raha tha par mere muh se ek shabd nahi nikala , daurte hue Saanvi gate band kar ke aayi , phir Vrati ne bola sant hone ko mujhe chair par baithaya or pucha kya hua ? Meri sans tez thi, maine usse kaha tumne kabhi bataya nahi ki tumhare Papa - Mummi nahi hai , Vrati ke ankho me ashu aa gaye lekin wo roya nahi , ye sunkar Saanvi bahar chali gayi terrace pe , Vrati ne mujhse kaha main nahi chahta ki main apna dard tum logo ke sath batke tum logo ko bhi dukhi karu main suffer kar raha hoon wo thik hai main nahi chahta meri wajah se tumhe bura feel ho . Idhar Saanvi bahar aashman ki taraf dekh rahi hai ek jagah par baithkar, uski ankho ki palke japhak nahi rahi , wo gehri soh me soch rahi hai - wo utne samay se kitni buri sthiti se guzar raha tha or hame uska koi andaza tak nahi , itne me ham aa gaye. Vrati ne usse mafi mangi usne kaha mujhe maf karna mujhe tum logo ko ye bat batani chahiye thi , ham dono wahi Saanvi ke sath baith gaye, kale badal charo taraf chahe hue the , tabhi Saanvi ne pucha kya hua tha unhe ? Vrati ke man me dukh ka athah Sagar tha jiski lahre pichle kuch samay se sant thi lekin ab nahi . Usne kehna shuru kiya - is saal January me hi wo dono Agra- Lucknow expressway se Agra ja rahe the kam ke silsile se wo dono architect the, raste me pura kohra chaya hua tha , tabhi ek aage truck thi jiski piche ki headlight kharab thi , Papa ne dhyaan nahi diyaa wo uss waqt mujhse baat kar rahe the main naraz tha ki wo mujhe Bina bataye chale gaye or tabhi car jaker truck se lad gayi unlogo ne seatbelt lagaya tha lekin accident ke waqt wo automatic unlock ho gaya , Papa ka face jaker steering se takraya or Maa ka shir jaker aage lad gaya, us waqt accelerator par Papa ka paw tha ,wo accident ke waqt or dab gaya , car phir ek bar jaker truck se lad gayi Papa ka shir phat gaya or Maa ki rhid ki haddi Tut gayi or un logo ki on the spot death ho gayi, ye kehte hue Vrati rone laga tabhi badal Garza or aasman me bijli chamki ham dono ne usse sant karaaya , phir baarish hone lagi . Kuch samay bad Vrati sant hua, ham barish me bhing gaye, hawa tez chal rahi thi us pal maine socha iske ashuon ko main nahi dekh pata acha hua bhagwan ne barish kar di .